Նորություններ

Նոր մասնաճյուղ Սիսիանում

Հարգելի այցելուներ ցանկանում ենք Ձեզ տեղեկացնել, որ «Դավիդյանց Լաբորատորիաներ» -ի նոր մասնաճյուղն արդեն գործում է նաև Սիսիանում։                  Հասցե քաղաք  Սիսիան Գ.Նժդեհի 9։
Հեռախոսահամար  (077) (091) (095) 335-662։
✅ Մասնաճյուղում կատարվում են բոլոր տեսակի լաբորատոր հետազոտությունները։  Մեր ջանքերը ուղղված են որակյալ լաբորատոր ծառայության հասանելիության տարածմանը։

2023.01.24

Կարդալ ավելին

Սեմինար Սիսիանում: Ճիճվակրություն

Սիրով տեղեկացնում ենք, որ 15.01.23-ին Սիսիան քաղաքում Դավիդյանց Լաբորատորիաները կազմակերպել էր ուսուցողական և պարզաբանող սեմինար։
Սեմինարի թեման էր բավականին ակտուալ խնդիր հանդիսացող ճիճվակրությունը, տեսակները, ախտորոշումը, բուժման եղանակները ։
Սեմինարը անց է կացրել համաճարակաբան, Բ.Գ.Թ, առողջապահության կազմակերպիչ, Դավիդյանց Լաբորատորիաների հիմնադիր տնօրեն Աշոտ Դավիդյանցը։
Մասնակցության համար հրավիրված էին բժիշկներ, մանկապարտեզների և դպրոցների բուժքույրեր, խնդրով հետաքրքրված մայրիկներ։ Որպես եզրափակում իրականացվել է հարցուպատասխան։
 Նախաձեռնում ենք հաճախակի անցկացնել նմանատիպ կարևոր և ինֆորմատիվ զեկույցներ։

2023.01.16

Կարդալ ավելին

《Դավիդյանց Լաբորատորիաներ》-ը ԵՊՀ-ում հանդես եկավ ինֆորմացիոն ներկայացվածությամբ

Երևանի Պետական համալսարանի ուսանողները ծանոթացան լաբորատորիայի գործելաոճին ։ Տեղեկացան թե ինչ գործունեություն է ծավալում 《Դավիդյանց Լաբորատորիաներ》-ը , ինչպիսի որակական  շեշտադրումներ է կատարում կլինիկական լաբորատոր ախտորոշման ոլորտում և ինչ աշխատանքային հնարավորություններ է ընձեռում իրենց։ 
《Դավիդյանց Լաբորատորիաներ》-ը մեծ նշանակություն է տալիս կրթությանը  և  արհեստավարժ մասնագետների պատրաստմանը ՝ մշտապես ստեղծելով աշխատատեղեր և համապատասխան պայմաններ մասնագիտական վերելքի համար։

2022.11.09

Կարդալ ավելին

Աշխարհահռչակ Անտոնիա Տեստայի երկար սպասված այցը Հայաստան

,,Գլասբո,, կլինիկայի հիմնադիր Լիլիթ Հովսեփյանի հրավերով և ,,Դավիդյանց Լաբորատորիաներ,,-ի ակտիվ կազմակերպչական ջանքերով Հայաստանում էր Իտալիայի Ջեմելլի հոսպիտալի  օնկոգինեկոլոգիական ուլտրաձայային կենտրոնի գիտական ղեկավար Անտոնիա Տեստան։ Տարբեր բժշկական կենտրոներից մասնագետներ հավաքվել էին լսելու նրան: Տեստան աշխարհի առաջատար մասնագետներից է, ում նախագծերի հիման վրա կազմվում են գինեկոլոգիական քաղցկեղի և քիմիաթերապիայի ուղեցույցներ, իսկ հետազոտությունները հիմք են հանդիսանում բարելավելու ուռուցքների ախտորոշման և բուժման հնարավորությունները։ 
Միջոցառմանը քննարկվեցին կարևորագույն խնդիրներ, ինչպես  նաև Հանրապետության առաջատար մասնագետները հանդես եկան զեկույցներով։
Արդյունավետ 2 օր, որ վստահ ենք, իր դրական արգասիքները կունենա մասնակիցների հետագա գործունեության ընթացքում։

Մեր խորին երախտագիտությունն ենք հայտնում ,,Էրեբունի,, բժշկական կենտրոնին և ,,Դիավանտ,, ՍՊԸ-ին նման կարևորագուն նախաձեռնության հովանավոր լինելու  և աջակցելու համար։ 
 

2022.11.08

Կարդալ ավելին

<<Դավիդյանց Լաբորատորիաներ>> -ի բժիշկ պաթոլոգ Անժելա Սարադյանը Բեռլինի ESGO կոնգրեսին

ESGO կոնգրես՝ Բեռլին 2022թ.
Եվրոպական երկրների հետ միասին ներկայացվում է նաև մեր երկրի առաջատար փորձը՝ ներառվելով միջազգային ասոցիացիայի կողմից ներկայացվող ուսուցողական նյութերում :Մենք կարևորում ենք մասնագիտական կատարելագործումը և փորձի փոխանակումը։

2022.11.03

Կարդալ ավելին

<<Դավիդյանց Լաբորատորիաներ>> -ի բժիշկները մասնակցել են Հայկական ուռուցքաբանական երկրորդ կոնգրեսին։

Փետրվարի 4-ն աշխարհում նշվում է որպես Քաղցկեղի դեմ պայքարի միջազգային օր։ Այս առիթով ՀՀ ԱՆ Ֆանարջյանի անվան Ուռուցքաբանության ազգային կենտրոնը կազմակերպոել  է իր ամենամյա գիտագործնական միջոցառումը՝ Հայկական ուռուցքաբանական կոնգրեսը, որի 2022թ. խորագիրն էր «Հայկական ուռուցքաբանություն. նպատակներ և իրականացման ուղիներ»՝ նվիրված Հայաստանում քաղցկեղի դեմ պայքարին, մասնավորապես՝ դրա քաղաքականության ու ռազմավարության խնդիրներին, իրականացվող մասնավոր և համալիր միջոցառումներին ու հետագա ծրագրերին, քաղցկեղի կանխարգելման միջոցներին, բուժման նոր մեթոդների ու մոտեցումների ներկայացմանը և այլն: Կոնգրեսը տեղի է ունեցել  2022թ. փետրվարի 2-6-ը Ռուսաստանի Դաշնության Սոչի քաղաքում։
Ներկայացվել է մոտ 40 զեկույց և ընդհանուր մոտ 200 պատվիրակի մասնակցություն՝ ՀՀ Առողջապահության նախարարության, Առողջապահության ազգային ինստիտուտի և Երևանի պետական բժշկական համալսարանի ներկայացուցիչներ, հանրապետության ԲԿ-ների ղեկավարներ, տարբեր մասնագիտացման բժիշկ-ուռուցքաբաններ, հանրային առողջապահության մասնագետներ, ազգային առողջապահական ծրագրեր իրականացնողներ, գիտահետազոտական աշխատանքով զբաղվող մասնագետներ և այլն: Զեկուցողների ցանկում են ուռուցքաբանության ոլորտում ճանաչված մասնագետներ Հայաստանից, Ռուսաստանից և Եվրոպայից: 
<<Դավիդյանց Լաբորատորիաներ>>-ի բժիշկները  նույնպես մասնակցել են կոնգրեսին փոխանակելով իրենց բազմամյա փորձն ու գիտելիքները գործընկերների հետ ։ 

2022.11.03

Կարդալ ավելին

"Դավիդյանց Լաբորատորիաներ" -ի Միկրոբիոլոգիական ծառայության ղեկավար Ռուզան Նուշիկյանը մասնակցություն է ունեցել գիտական հոդվածի ստեղծմանը

 
"Դավիդյանց Լաբորատորիաներ" -ի Միկրոբիոլոգիական ծառայության ղեկավար  Ռուզան Նուշիկյանը մասնակցություն է ունեցել "Ատամների և լնդերի մանրէաբանական գնահատումը այն հիվանդների մոտ, ովքեր ունեն պարոդոնտալ պաթոլոգիա և կրում են օրթոպեդիկ ֆիքսված պրոթեզներ պատրաստված տարբեր մեթոդներով"  աշխատությանը ։ 

Գիտական հոդվածների  շվեցարական հանրահայտ  հրատարակչություն MDPI-ը (Multidisciplinary Digital Publishing Institute),  լուսաբանել է աշխատությունը ''International Journal of 
Molecular Sciences'' -ում (Impact Factor 6,208)
  MDPI-ը հանդիսանում է 400 ակադեմիական հրատարակչությունների մուլտիդիսցիպլինար հարթակ։
Ստորև ներկայացնում ենք հոդվածի բովանդակությունը համառոտ։

2021 թվականին կատարված ուսումնասիրությունը թույլ է  տվել որոշել լնդային  մանրէաբանական ցուցանիշները ֆիքսված ատամնաբուժական պրոթեզներով հիվանդների շրջանում, որոնք պատրաստված են երեք տարբեր տեխնիկայի կիրառմամբ: 
Ընդհանուր առմամբ 129  պրոթեզներ բաժանվել են երեք հետազոտական ​​խմբերի։
Առաջին՝ կոբալտ-քրոմի հիմքով, մետաղակերամիկական պրոթեզներ, որոնք պատրաստված են սովորական մեթոդով (MC, n = 35) ։
Երկրորդ խումբը կոբալտ-քրոմի վրա էր հիմնված, մետաղակերամիկական պրոթեզներն էին, որոնք պատրաստված են համակարգչային օժանդակ դիզայնով և հանձնված էր համակարգչային  արտադրության (CC-MC, n = 35)։
Երրորդ խումբն էր ցիրկոնիումի վրա հիմնված կերամիկական պրոթեզները, որոնք պատրաստված են CAD/CAM տեխնիկայով (CC-Zr, n = 35)։
Ընտրված էր 24  ստուգիչ(control) խումբ, ովքեր օգտագործում էին պրոթեզներ:  
Կատարվել է  մանրէաբանական և բակտերիոսկոպիկ հետազոտություն՝ վերլուծելու համար հիվանդների տվյալները։ Արդյունքները վերլուծվել են SPSS V20-ի միջոցով (IBM Company, Chicago, IL, USA):  
Լնդային ակոսի հեղուկի միկրոօրգանիզմների քանակը ստուգվել է 6 ամիս անց ապա 12 ամիս անց։ Բոլոր խմբերում պրոթեզավորման միկրոօրգանիզմների քանակը 12րդ ամսում կտրուկ կրճատվել է  համեմատած պրոթեզավորումից առաջ ստացված տվյալների:   Ցիրկոնիումի օքսիդի վրա հիմնված կերամիկայի դեպքում տեղի  ունեցող բորբոքային պրոցեսները դանդաղել են, ինչը կապված է բերանի խոռոչի լորձաթաղանթի և հյուսվածքների  կենսահամատեղելիության հետ. ինչպես նաև ատամնաբուժական տարաբնույթ բարդացումների ձևավորման ռիսկի նվազեցում է նկատվել: Սա պետք է հաշվի առնեն ատամնաբույժները  պարոդոնտի պաթոլոգիա ունեցող հիվանդների համար պրոթեզների և վերականգնողական կոնստրուկցիա ընտրելիս և բուժում իրականացնելիս։
Հղում՝ 
https://www.mdpi.com/1422-0067/22/11/5463 

2022.10.12

Կարդալ ավելին

Հարգելի բժիշկներ, այսուհետ կարող եք ինքնուրույն կազմել և տպել հյուսվածքաբական ուղեգիր


Հարգելի բժիշկներ, Ձեզ ենք ներկայացնում հարմարավետ գործիք հյուսվածքաբանական ուղեգիր կազմելու և տպելու համար։
Այսուհետ Դուք կարող եք Ձեր իսկ աշխատասենյակում, մի քանի րոպեում կազմել ուղեգիրը մեր կայքի օգնությամբ։
Դավիդյանց Լաբորատորիաները հոգացել է Ձեր ժամանակի խնայողության մասին և առաջինը Հայաստանում ներդրել հետևյալ համակարգը ՝ առավել հարմարավետ դարձնելով ուղեգրման գործընթացը։
Հետևեք մեր կայքի նորություններին, քանի որ մեր ջանքերը ուղղված են դեպի որակյալ լաբորատոր ախտորոշում և նորարական մոտեցումներ ։

2022.06.28

Կարդալ ավելին

ՔՈՎԻԴ ԿԵՆՏՐՈՆԻ ԱՇԽԱՏԱԺԱՄԵՐ

Հարգելի այցելուներ, այսուհետ 《Դավիդյանց Լաբորատորիաներ》-ի Քովիդ կենտրոնն աշխատում է հետևյալ աշխատանքային գրաֆիկով.
◽️Երկուշաբթիից ուրբաթ՝
9:00 -18:00
◽Շաբաթ՝ 9:00-14:00
◽️Կիրակի՝ 9:00-12:00
_____
↪Դավիթաշեն, Սասնա Ծռեր 7/1

2022.06.15

Կարդալ ավելին

ՄԱՍՆԱՃՅՈՒՂ ԿԱՊԱՆՈՒՄ

Հարգելի՛ սյունեցիներ, այսուհետ կարող եք Ձեր լաբորատոր հետազոտությունները վստահել Կապանի《Դավիդյանց Լաբորատորիաներ》-ին։
⏩Մասնաճյուղը ներկայանում է լաբորատոր ստանդարտներով և բազմապրոֆիլ ցանկով՝ իր մեջ ներառելով հետևյալ հետազոտությունների տեսակները՝
✅Կլինիկական
✅Բիոքիմիական
✅Իմունաբանական
✅Հյուսվածքաբանական
✅Մանրէաբանական
✅ՊՇՌ (ներառյալ Քովիդ թեստ)
✔ Ընտրեք ճշգրիտ ախտորոշումը 《Դավիդյանց Լաբորատորիաներ》-ի հետ, քանի որ այն հաջող բուժման բանալին է։
______________________________
Հասցե՝ Գ. Նժդեհի փողոց, 20/45 տարածք։
Աշխատանքային ժամեր.
երկուշաբթիից ուրբաթ ՝
🕗 9:00-17:00
և կիրակի՝
🕗 9:00-14:00
📲(043) (098) (041) 699-511

2022.06.15

Կարդալ ավելին

Պարբերական հիվանդություն-Familial Mediterranean Fever- FMF

Պարբերական հիվանդություն (ժողովրդի մեջ հայտնի Երևանյան հիվանդություն) կամ Ընտանեկան Միջերկրածովային տենդ՝
Familial Mediterranean Fever- FMF

✔ ԴԱՎԻԴՅԱՆՑ ԼԱԲՈՐԱՏՈՐԻԱՆԵՐՈՒՄ հնարավոր է ախտորոշել FMF-ը։

📍 Պարբերական հիվանդությունը ժառանգական հիվանդություն է, որը բնորոշվում է պարբերաբար կրկնվող նոպաներով։ Դրանք արտահայտվում են որովայնի և/կամ կրծքավանդակի ցավերով, հոդացավերով,այտուցով, երբեմն ցանով։ Նոպաները հաճախ ուղեկցվում են տենդով և տևում մի քանի օր։

🧬Հիվանդության պատճառը գեներից (MEFV) մեկ զույգում առաջացած մուտացիան է, որը փոխանցվում է ժառանգաբար։
Վաղ ախտորոշումը հնարավորություն է տալիս խուսափել ամենատարածված բարդությունից՝ երիկամների ամիլոիդոզից և բարելավել կյանքի որակը՝ կանխարգելելով ներքին օրգանների ախտահարումը և ակնհայտ նվազեցնելով նոպաների քանակը։

2022.06.15

Կարդալ ավելին

ՏՆԱՅԻՆ ԿԱՆՉ ԾԱՌԱՅՈՒԹՅՈՒՆ

«Դավիդյանց Լաբորատորիաներ» -ում հասանելի է ՏՆԱՅԻՆ ԿԱՆՉ ծառայությունը:
Եթե չեք կարող գալ լաբորատորիա անալիզների հանձնման համար, ապա մեր մասնագետները կայցելեն ձեզ՝ ձեր իսկ նշած հասցեով։
Կանչի գրանցման և մանրամասների համար կարող եք զանգահարել (033)204303 կամ (011)200303

2022.06.15

Կարդալ ավելին

BOND MAX ՆՈՐ ՍԵՐՆԴԻ ԻՄՈՒՆԱՀԻՍՏՈԼՈԳԻԱԿԱՆ ՀԱՄԱԿԱՐԳ: ԵՐԲ ՈՐԱԿԸ ԿԱՊ ՈՒՆԻ

ԴԱՎԻԴՅԱՆՑ լաբորատորիաները՝ կարևորելով նոր սերնդի սարքավորումների դերը պաթոլոգիայի ասպարեզում, 2018 թվականին առաջինը Հայաստանում ձեռք է բերել Leica Biosistems-ի Bond Max՝ իմունահիստոքիմիայի համակարգը։
Հարկ է նշել, որ սարքը ամբողջությամբ ավտոմատացված է ՝ հետևաբար վերանում է մարդկային միջամտության հետ կապված սխալվելու գործոնը։
Bond Max սարքը մատուցում է ճկունություն, հետևողականություն և բարձր արդյունավետություն իմունահիստոքիմիական հետազոտություններին։
ԴԱՎԻԴՅԱՆՑ լաբորատորիաները շարունակում է հետևել առողջապահական համարգի համաշխարհային նորություններին՝ էլ ավելի կատարելագործվելու նպատակով։
 

2022.03.07

Կարդալ ավելին